Тошкент вилоятида 30 метрлик бош арча чироғи ёқилди
Тошкент вилоятида Янги йил байрамининг асосий рамзи — 30 метр баландликдаги бош арчанинг чироғлари ёқилди. 28 мингдан ортиқ ёруғлик ва безак элементлари билан безатилган арча томошабинларга ҳақиқий байрамона муҳит улашди.
Арча чироғларини ёқиш маросимида вилоят ҳокими Зоир Мирзаев иштирок этиб, Янги йил тадбирларининг расмий очилишини эълон қилди. Майдон байрамона мусиқа, ёруғлик шоулари ва қувноқ кайфиятга тўлди.
Тадбирда 100 нафар Қорбобо ва Қорқиз иштирок этиб, болалар ва оилаларни хурсанд қилди. Меҳмонлар арча атрофида суратга тушиш, саҳнавий чиқишлар ва кўнгилочар дастурларни томоша қилиш имкониятига эга бўлди.
Маълум қилинишича, “Nurafshon Business City” ҳудудида жойлашган бош арча майдонида Янги йил тадбирлари ҳар куни соат 10:00 дан 22:00 гача ўтказилади. Байрам кунлари давомида концертлар, интерактив ўйинлар ва болалар учун махсус дастурлар ташкил этилади.
Тошкент вилоятида Янги йил муҳити расман бошланди — чароғлар ёқилди, кайфият кўтарилди, байрам руҳи эса шаҳарга тарқалди.