Артета “Арсенал”нинг “Эвертон” устидан ғалабасини баҳолади
Артета Sky Sports’га берган интервьюсида “Эвертон”ни сафарда мағлуб этиш ҳар доим қийинлигини таъкидлади. Унинг сўзларига кўра, биринчи бўлимда “Арсенал” айрим пайтларда яққол устунлик қилган, гарчи аниқ голли вазиятлар кўп бўлмаган бўлса-да, жамоа барибир гол уришга эришган.
Иккинчи бўлимда эса “канонирлар” учта жуда қулай имкониятдан фойдалана олмаган. Мураббий АПЛда бундай вазиятлардан унумли фойдаланиш зарурлигини, шунда учрашув сўнггида ўзини анча хотиржам тутиш мумкинлигини қайд этди.
Ушбу ғалабадан кейин “Арсенал” Англия Премьер-лигаси турнир жадвалида пешқадамликни сақлаб қолди ва “Манчестер Сити”ни икки очко ортда қолдирмоқда.