Ювентус ҳимоячиси тиззасидан операция бўлади
Эслатиб ўтамиз, Италия Кубоги доирасида Удинезе жамоасига қарши ўтказилган ўйинда (2:0) Гатти ўйин давомида алмаштирилган эди. Сабаб сифатида унинг ўнг тиззасидаги пайларнинг чўзилиши кўрсатилган.
Жорий йилнинг 3-декабр, чоршанба куни эрталаб футболчига қўшимча рентген текшируви ўтказилди. Натижада унинг медиал мениски ёрилгани аниқланган.
Ушбу мавсумда Гатти Ювентус сафида жами 18 та расмий учрашувда майдонга тушиб, икки бор гол уришга муваффақ бўлган.