Буонджорно: Мана шундай ғалаба қозониш керак!
Италия чемпионатининг ўн учинчи турида "Наполи" сафарда "Рома"ни мағлуб этди. Бу ғалаба учун неаполликларга биргина гол ва мустаҳкам ҳимоя етарли бўлди — бу услуб Антонио Контенинг севган фалсафасидир.
Шу фалсафани "Наполи" клуби ҳимоячиси Алессандро Буонджорно ҳам қўллаб-қувватлайди. "Биз ўйинга тактик жиҳатдан яхши тайёрландик, бироқ фарқни асосан ўйинимиздаги интенсивлик келтирди.
Майдон марказида ва жарима майдончаларида кўплаб яккакурашларни ютиб олдик, бу эса муҳим омил бўлди", — дея Буонджорннинг сўзларини келтиради calcionapoli1926.it. Кейинги турда неаполликлар Контенинг собиқ жамоаси — "Ювентус"га қарши майдонга тушади.