Хонзода 3-қизи Аслзоданинг 2 ёшини нишонлади
Актриса ва блогер сифатида танилган, ижтимоий тармоқларда «Ханна» номи билан машҳур бўлган Хонзода яна бир қувончли хабар билан мухлислари диққат марказида. Санъаткор 3-қизи Аслзоданинг 2 ёшга тўлгани муносабати билан ўз сахифасида самимий видео пост қолдирди.
Хонзоданинг айтишича, Аслзода оиладаги энг эркатой, ҳаракатчан ва қувноқ болалардан бири. Шу боис унинг ҳар бир ўсиш палласи онаси учун алоҳида хотира ҳисобланади.
«Аслзода 2 га тўлди. Болажоним, сени яхши кўраман, қизим», — деб ёзди Хонзода видео остига. Унинг бу самимий сўзлари қисқа вақт ичида минглаб лайк ва изоҳларни йиғди. Мухлислар ҳам Аслзодани туғилган куни билан табриклаб, унга чиройли ва ширин тилакларини изҳор этишди.
Аслзоданинг туғилган кун муносабати билан олинган суратлар ва видеолар мухлислар орасида катта қизиқиш уйғотди. Сирли табассуми, гўзаллиги ва болалик хонимлиги билан кичкина Аслзода яна бир бор ҳаммани ўзига ром этди.