Ўзбекистон қайси давлатлардан энг кўп маҳсулот олди?

Ўзбекистон 2025 йил январь–октябрь ойларида ташқи бозордан 37,5 млрд долларлик маҳсулот ва хизматлар харид қилди. Миллий статистика қўмитасининг маълумотига кўра, импорт ҳажми ўтган йилга нисбатан 16,9 фоизга ўсган.

Мазкур даврда республика 177 та давлат билан импорт операциялари амалга оширган. Энг кўп маҳсулот сотиб олинган мамлакатлар рўйхатида Хитой ва Россия барқарор равишда биринчи ўринларда турибди.

Топ-10 импорт шериклар:

• Хитой — 11,5 млрд доллар

• Россия — 7 млрд доллар

• Қозоғистон — 2,7 млрд доллар

• Туркия — 1,5 млрд доллар

• Корея Республикаси — 1,4 млрд доллар

• Германия — 953,9 млн доллар

• Ҳиндистон — 941,7 млн доллар

• Туркманистон — 753,2 млн доллар

• Беларусь — 632,5 млн доллар

• АҚШ — 614,4 млн доллар

Қолган давлатлар ҳиссаси эса 9,6 млрд долларни ташкил этган.