“X-Faktor”даги чиқиш ижтимоий тармоқларда тортишувга сабаб бўлди
Сўнгги кунларда "X-Faktor" кўрсатувида эфирга узатилган бир лавҳа ижтимоий тармоқларда кенг муҳокамаларга сабаб бўлди, деб хабар берди Zamin.uz.
Мазкур баҳсга Қозоғистонлик хонанда Say Moнинг саҳнадаги чиқиши туртки бўлди. У куй қўшиқ ижро этган пайтдаги либоси ва саҳнадаги ҳаракатлари кўплаб томошабинларнинг танқидига учради.
Кўпчилик фойдаланувчилар эътироз билдириб, бу каби чиқишларни оммавий телеканаллар орқали эфирга узатиш тўғри эмаслигини таъкидлашди. Изоҳларда айримлар буни “маданият ва анъаналарга зид”, деб баҳолади.
Хонанданинг либоси ва саҳнадаги ҳаракатлари айниқса ёшлар ва болалар томоша қиладиган кўрсатув учун нотўғри экани қайд этилди.
Ҳозирча кўрсатув ташкилотчилари томонидан расмий изоҳ берилмаган. Айрим фойдаланувчилар бу танқидни цензура деб ҳисобласа, бошқалар уни жамоатчилик фикри сифатида қабул қилмоқда.
Мазкур ҳолат кўрсатув мазмуни, оммавий ахборот воситалари масъулияти ва саҳна эркинлиги ҳақидаги кенгроқ баҳсларга йўл очди.