Капелло Теога ўринбосар топди: «Милан»нинг ёш юлдузи
"Милан"нинг собиқ бош мураббийи Фабио Капелло Давиде Бартесагини жамоа ҳимоясининг чап қанотида Тео Эрнандесга мос ўринбосар сифатида кўрмоқда. Унинг сўзларига кўра, ўз тарбияланган футболчиларини қўллаб-қувватлаш жуда муҳим ва Бартесаги шу жиҳати билан қадрланади.
"Бартесаги аста-секин асосий таркиб ўйинчисига айланмоқда ва бу яхши. Тўғри, у ҳали Тео даражасига етмаган, аммо у "Милан"да етишган футболчи ва жамоа учун тобора фойдали бўлиб бормоқда", деди Капелло pianetamilan.it сайтига берган интервьюсида.
"Милан" ҳозирда Италия чемпионати турнир жадвалида вақтинчалик иккинчи ўринни эгаллаб турибди. Клуб сўнгги марта 2022 йилда чемпионликни қўлга киритган эди.