Солиқлар электр энергияси тўлови орқали йиғилади
2026-йилнинг 1-январидан бошлаб Наманганда янги солиқ бошқаруви модели бўйича тажриба амалга оширилиши режалаштирилмоқда, деб хабар берди Адлия вазирлиги. Режага кўра, 2026-йилдан эътиборан фуқароларнинг кўчмас мулкни ижарага беришдан оладиган даромадларидан тўланадиган солиқлар тўлиқ равишда ушбу объект жойлашган ҳудуднинг маҳаллий бюджетига йўналтирилади.
"Очиқ бюджет" порталида янги хизмат — "Жисмоний шахслар солиқлари ҳисобига харажатлар" модули ишга туширилади. Ушбу модул орқали аҳоли ўзи тўлаган солиқлар миқдорини ва ушбу маблағлар қайси бюджет харажатларига йўналтирилганини кўриши мумкин бўлади.
Модулда даромад, мол-мулк ва ер солиқлари бўйича маълумотлар ҳамда ушбу маблағлар ҳисобига молиялаштирилган лойиҳалар ҳақида ахборот тақдим этилади.