«Интер»да инқирозми? Бергоми 5 йиллик эски касалликни айтди
Таниқли собиқ футболчи Жузеппе Бергоми Милан "Интер"ининг қийинчиликлари ҳақида ўз фикрини билдирди. "Нерадзурралар" охирги икки учрашувда мағлубиятга учрашди: аввал "Милан"га қарши дербида (0:1), сўнгра Чемпионлар Лигаси доирасида Мадриднинг "Атлетико" жамоасига қарши баҳсда (1:2).
"Бу муаммо беш йилдан бери давом этмоқда – жамоа деярли ўша-ўша. "Интер" яхши футбол, ёрқин ўйин услуби билан хурсанд қилмоқда, Европа̀нинг энг яхши жамоалари қаторига киради, аммо бир хил муаммога дуч келмоқда.
Футболчиларга ўйинларнинг якуний дақиқаларини ўтказиш жуда қийин, улар доим бир хил голларни ўтказиб юборади. Ҳеч нарса ўзгаргани йўқ.
"Интер" ҳали ҳам ғалаба қозонишга ва чўққида қолишга қодир, аммо худди шу гапларни икки-уч йил олдин ҳам айтганмиз", – деди Бергоми Sky Sport билан суҳбатда. Якшанба куни Кристиан Киву бошчилигидаги жамоа А Серия доирасида "Пиза"га қарши сафар ўйинида майдонга тушади.