Головин ассисти ва Минамино голи билан «Монако» ғалабаси
Франция чемпионатининг марказий учрашуви «Монако» ва «ПСЖ» ўртасида бўлиб ўтди. Лига 1 пешқадами бўлган «ПСЖ» "Рене II" стадионига келиб, «Монако»ни мағлуб этиб, турнир жадвалида рақибдан 13 очкога илгарилашни мақсад қилган эди.
Ўйин натижаси эса мезбонларнинг фойдасига ҳал бўлди. 69-дақиқада Александр Головиннинг чап қанотдан чиройли узатмасини Такуми Минамино ўнг бурчакка аниқ зарба билан голга айлантирди.
Учрашувда бошқа голлар киритилмади ва «Монако» 1:0 ҳисобида зафар қучди. Биринчи бўлимда «Монако» устунликка эга бўлди.
28-дақиқада Минамино Балогуннинг узатмасидан кейин хавфли зарба йўллади, бироқ дарвозабон бу вазиятда ўзини кўрсатди. Шунингдек, Кайо Энрикенинг жарима зарбасидан кейин Салису тўпни дарвоза устунига йўллади.
"ПСЖ" эса биринчи бўлимда бир неча имкониятга эга бўлса-да, дарвозани ишғол эта олмади. Иккинчи бўлимда «ПСЖ»нинг ҳужумлари кучаймади.
Ҳатто Витиниянг бурчакдан узатган тўпини Майулу боши билан дарвоза томон йўллаётганида нишонга етказа олмади. Ўйиннинг 80-дақиқасида «Монако» ўйинчиси Керрер ВАР ёрдамида қизил карточка олиб, жамоасини битта ўйинчи кам қолдирди.
«ПСЖ»нинг ўйинни қутқариш ҳаракатларига қарамай, ўйин натижаси ўзгармади. Бу мағлубият «ПСЖ»нинг Лига 1 жадвалидаги биринчи ўрнини хавф остига қўйди.
Эндиликда «Марсел» ва «Ланс» пешқадамликка даъвогарлик қилмоқда. «Монако» эса энди «ПСЖ»дан 7 очкога орқада қолмоқда.