Давлат хизматчилари маоши бўйича янги шаффоф тартиб
2026 йил 1 январдан бошлаб давлат хизматчиларига иш ҳаққи ҳисоблаш тизими тубдан янгилаб, ягона ва аниқ қоидалар асосида амалга оширилади.
Янги механизмга кўра, ходимнинг лавозим маоши бир қатор мезонлар орқали белгиланади. Жумладан, унинг иш давомида тўплаган тажрибаси, касбий малакаси ва илмий даражаси инобатга олинади. Шунингдек, қилаётган фаолияти самарадорлиги, профессионал кўникмалари ва бошқа муҳим кўрсаткичлар ҳам баҳоланади.
Мазкур ўзгаришлар давлат хизматини янада очиқ, рақобатбардош ва самарали тизимга айлантиришни мақсад қилади. Бу эса ходимларнинг меҳнати адолатли ва шаффоф баҳоланишига замин яратади.