Ғазода нақд пул танқислиги: эскирган банкноталар ҳаёт сақлайди
Ғазода банклар ишламаётгани ва янги пул келмаётгани сабаб одамлар эскирган пулларни таъмирлаб ишлатишга мажбур бўляпти. Бозорларда йиртилган ва ранги ўчган банкноталарни тузатиб берувчилар кўпайган.
Баъзи ёшлар оддий қалам, чизғич ва элим билан пулни тиклаб, яна муомалага қайтаришмоқда. Ғазода ҳар бир банкнота муҳим, чунки банкоматлар ишламайди, кўплаб банклар вайрон бўлган.
Нақд пул етишмагани учун кўпчилик электрон тўловлардан фойдаланмоқда. Лекин электрон пулни нақдга алмаштиришда айримлар жуда юқори комиссия олишмоқда, бу эса аҳолига қўшимча қийинчилик туғдирмоқда.
УНИCEФ каби ташкилотлар ёрдам юбораётган бўлса-да, нархлар жуда ошган. Шунинг учун кўплаб оилалар кундалик харажатларини қоплашда қийналмоқда.