Барселона клубига 126 йил тўлди
"Барселона" 1899-йил 29-ноябрда ташкил этилган. Клубнинг илк йилларида ўйинларни томоша қилган мухлислар майдон атрофидаги тўсиқларда ўтиришган, ва уларнинг орқа қисми кўриниб тургани учун "кулес" (испан тилида бу "орқа" деган маънони англатади) лақаби пайдо бўлган.
"Барселона"нинг Европа футболи элитасида барқарор ўрнашиши 20-асрнинг 90-йилларига тўғри келади. Бу даврда клубни буюк мураббий Йохан Кройфф бошқарган.
У клуб тузилмасини тубдан ўзгартиб, "Барселона"нинг ўзига хос ўйин услубини яратди. Ҳозирги кунгача ҳар бир янги мураббийдан ушбу услубга амал қилиш талаб қилинади.
1992-йилда "Барселона" ўз тарихида биринчи марта Чемпионлар Лигаси ғолиби бўлди. Шундан сўнг, клуб яна тўрт марта ушбу мусобақада чемпион бўлди.
Шу билан бирга, бу борада "Реал Мадрид"нинг муваффақиятлари ҳали ҳам юқори бўлиб қолмоқда.