Суперлигада тарихий тун: Файзуллаев ва Шомуродов бир ўйинда гол урди! (видео)

Икки ўзбек легионеридан ҳал қилувчи ҳисса

Туркия Суперлигасининг 14-туридан ўрин олган навбатдаги учрашув якунланди. Нури Шахин бошчилигидаги "Истанбул Башакшеҳир" клуби "Касимпаша" меҳмони бўлиб, сафарда 3:1 ҳисобида муваффақият қозонди. Ушбу ғалабада ўзбекистонлик икки легионеримиз — Элдор Шомуродов ва Аббосбек Файзуллаев ҳал қилувчи роль ўйнади.

Ўйиннинг 26-дақиқасида Аббосбек Файзуллаев ажойиб жарима тўпидан чиройли гол киритиб, учрашув ҳисобини очди (1:0). Биринчи бўлимга қўшиб берилган вақтда (45+4) Амин Арит иккинчи голни уриб, танаффусгача жамоасининг фарқни иккита тўпгача оширди.

Иккинчи бўлимда ўйин кескинлашди. Аввалига 75-дақиқада (тахминан) Дэви Зельке қизил карточка олиб, "Башакшеҳир"ни бир киши кам қолдирди. Бундан руҳланган "Касимпаша" 79-дақиқада Адам Арус орқали ҳисобни қисқартирди (2:1). Лекин қўшиб берилган вақтда (90+3) Элдор Шомуродов рақиб дарвозасини ишғол этиб, жамоасининг якуний, учинчи голга муаллифлик қилди ва ғалабани мустаҳкамлади. Бу гол Шомуродовнинг Туркиядаги мавсумдаги энг яхши ўйинларидан бирига чиройли нуқта қўйди.

Муҳим ғалаба ва жамоа таркиби

Ушбу муҳим ғалаба эвазига "Башакшеҳир" очколари сонини 16 тага етказиб, турнир жадвалининг 9-поғонасига кўтарилиб олди.

Туркия Суперлигаси.

14-тур

Қосимпошо – Башакшеҳир 1:3

Голлар: Ароус 79 – Аббосбек Файзуллаев 26, Ҳарит 45+4, Элдор Шомуродов 90+3

"Башакшеҳир" таркиби: Шенгезер, Булут, Дуарте, Опоку, Опери, Файзуллаев (Гурелер, 78), Кемен (Креспо, 78), Ҳарит (Да Коста, 72), Зелке, Шомуродов.