43 сонияда гол: "Барселона"нинг 2 йиллик антирекорди
Opta маълумотларига кўра, бу "Барселона"нинг сўнгги икки йил ичида Испания чемпионатида ўз дарвозасига киритилган энг тезкор голи бўлди. Қизиқ томони шундаки, 2023-йилнинг 12-ноябрида ҳам каталонияликлар "Алавес"га қарши ўйин давомида ўз майдонида гол ўтказиб юборишган эди.
Ўшанда гол 17-сонияда урилган эди. Лекин "кўк-анорранглилар" ўша ўйинда Роберт Левандовскининг дубли эвазига 2:1 ҳисобига ғалаба қозонишган.
"Барселона" ва "Алавес" ўртасидаги жорий ўйинни LiveResult портали орқали матнли трансляция орқали кузатиш мумкин. Учрашувнинг 8-дақиқасида Ламин Ямал "Барселона" учун ҳисобни тенглаштирди.