Марадонанинг афсонавий голи учун эсдалик тангаси чиқарилади
Бу мусобақа Диего Марадона юлдузи порлаган турнир сифатида тарихда қолган. Айнан шу чемпионатда Марадона энг машҳур голларини урган, хусусан, Англия дарвозасига киритилган икки голни.
Улардан бири Жаҳон чемпионатлари тарихидаги энг чиройли гол сифатида эътироф этилган бўлса, иккинчиси энг баҳсли бўлган. Аргентина Марказий банки мазкур тарихий воқеани абадийлаштириш мақсадида Марадонанинг ушбу голига бағишланган эсдалик тангаси чиқаришга қарор қилди.
Бу ҳақда 30-октябрь, яъни Марадонанинг 65 йиллик туғилган куни муносабати билан эълон қилинди. Тангалар 925-проба кумушдан тайёрланиб, 27 грамм оғирликда бўлади.