Карим Бензема футболни яна 2 йил давом эттиради
Бу ҳақда AS портали хабар берди. "Декабрда 38 ёшга тўламан.
Ўзимни ҳали яна 2 йил фаол футболчи сифатида кўряпман. Жисмоний ҳолатим яхши, кўп меҳнат қиляпман ва доимий равишда ўйинлардаман.
Клубнинг қарорини кутаяпмиз", — деди француз футболчиси. "Менга Европа клубларидан таклифлар бор.
Ҳаммасини яхшилаб ўйлаб, тўғри қарор қабул қилишим керак. Қаерда ўзимни яхши ҳис қилишимни аниқлаш лозим.
Воқеалар қандай ривожланишини кузатамиз". Жорий мавсумда Бензема клуб даражасида 9 ўйинда майдонга тушиб, 5 та гол уришга муваффақ бўлди.