"Манчестер Сити" ўз майдонида "Лидс"ни мағлуб этди
Англия Премьер-лигасининг 12-тур учрашувида "Манчестер Сити" ўз майдонида "Лидс"ни 3:2 ҳисобида мағлуб этди. Ғалаба голини 90-дақиқада Фил Фоден киритди. Ўзбекистонлик ҳимоячи Абдуқодир Ҳусонов эса ушбу ўйинда захирада қолди.
Мезбонлар ўйинни фаол бошлади. Учинчи дақиқада Нунеснинг узатмасидан сўнг Фоден аниқ зарба йўллаб ҳисобни очди.
"Сити" ҳужумларини давом эттирган ҳолда, Силванинг узатмасидан кейин дарвозабон Перрининг хатосидан фойдаланган Гвардиол иккинчи голни киритди. "Лидс" эса қарши ҳужум имкониятларини излашни бошлади.
Биринчи бўлим охирига келиб, меҳмонлар рақибни юқорироқда қарши ола бошлашди ва ўйинда мувозанатни тиклашга ҳаракат қилишди. Иккинчи бўлимда меҳмонлар ҳужумдаги ўйинчиларни алмаштириб, босимни оширди.
Кальверт-Луин рақиб ҳимоясининг хатосидан фойдаланиб, узоқ бурчакка зарба йўллаб ҳисобни қисқартирди. Шундан сўнг "Лидс" қанотлардан ҳужум қилишни кучайтирди ва жарима майдонида курашни давом эттирди.
Гвардиол ўйиннинг бир вазиятида Кальверт-Луинни йиқитиб қўйди. VAR текширувидан сўнг пенальти белгиланди.
Доннарумма биринчи зарбани қайтарган бўлса-да, Немча тўпни бўш дарвозага жойлаб, ҳисобни тенглаштирди. Мезбонлар катта куч билан ҳужумга ўтди.
Доку қанотдан бир неча бор хавфли вазиятлар яратди, Силва ва Холанд эса босимни кучайтирди. Якунда ҳал қилувчи вазият 90-дақиқада юз берди.
Тезкор ҳужум давомида Фоден жарима майдонида тўпни қабул қилиб, аниқ зарба йўналтирди ва 3:2 ҳисобини ўрнатди. VAR ғалаба голини тасдиқлади.
Абдуқодир Ҳусанов эса ушбу учрашувда майдонга тушмади ва бутун ўйин давомида меҳмонлар захирасида қолди.