Криштиану Роналду Дональд Трамп билан учрашувдан кейин гапирди
Машҳур футболчи Криштиану Роналду АҚШ президенти Дональд Трамп билан учрашувдан сўнг ижтимоий тармоқларда ўз фикрларини билдирди. "Жаноб президент, таклиф ва мен ҳамда бўлажак рафиқам Жоржинага кўрсатган самимий қабулингиз учун миннатдорман.
Ҳар биримиз жамиятга ўз ҳиссамизни қўшишимиз мумкин ва мен янги авлодларни жасорат, масъулият ва мустахкам тинчлик асосида келажакни қуришга илҳомлантиришга тайёрман", - деди 40 ёшли Роналду ўз баёнотида.
Эслатиб ўтамиз, Криштиану Роналду ва Дональд Трампнинг учрашуви тасвирланган видео яқинда интернетда тарқалган эди.
Криштиану Роналду беш карра "Олтин тўп" соҳиби ҳисобланади. У ҳозирда "Ал-Наср" клуби сафида ўйнайди ва унинг шартномаси 2026/2027 йилги мавсум охиригача амал қилади.