Фарғонадаги ЙТҲда Москвич иккига бўлиниб кетди
Фарғона вилоятининг Бағдод туманида кеча содир бўлган ЙТҲ ижтимоий тармоқларда катта муҳокамаларга сабаб бўлди. Маълумотларга кўра, “Чуваланчи” МФЙдан ўтувчи “Янгиқўрғон қишлоғи” йўлида “Москвич 412” белгисиз қисмда орқага бурилган пайтда, орқадан келаётган Nexia-2 уни қаттиқ урган.
Зарбадан “Москвич” деярли иккига бўлиниб кетган, Nexia-2 ҳам жиддий шикаст олган. Энг муҳими — икки ҳайдовчи ҳам фақат енгил жароҳатлар билан қутулиб қолган. Соғлиқларига хавф йўқ.
Ҳозирда ҳодиса юзасидан туман ИИБ ЙҲХ бўлими томонидан текширув ҳаракатлари давом этмоқда. Тергов натижалари бўйича қўшимча маълумотлар очиқланиши кутилмоқда.