Аллегри: "Лацио" курашга қайтмоқда

“Милан” бош мураббийи Массимианино Аллегри яқинлашиб келаётган “Лацио”га қарши ўйин ҳақида фикр билдирди. А Сериянинг ўн учинчи тур учрашуви 29-ноябр куни Тошкент вақти билан соат 00:45 да бошланади.

“Интер” билан ўйин биз учун катта ҳиссиётлар тақдим этди, аммо диққатни йўқотмаслик керак. Бизнинг мақсадимиз – кучли тўртликка кириш.

Етти жамоани бор-йўғи 7 очко ажратиб турибди. Сарри ажойиб ишламоқда ва унинг “Лацио”си курашга қайтмоқда”, – дея Аллегри сўзларини клубнинг расмий сайти келтиради.

“Бу қийин ўйин бўлади: улар яхши ташкил этилган, имкониятларни чеклашади ва Чемпионлар лигаси йўлланмасини қўлга киритишга қодир. Дербидаги ғалаба зўр бўлди, аммо ҳозирги энг муҳим нарса – шанба кунги учрашувда 3 очкони қўлга киритиш”, – дея қўшимча қилди Аллегри.

“Пулишичнинг майдонга тушиши даргумон, аммо ўйин олдигача вақт бор ва ҳаммаси ўзгариши мумкин. Хименес келаси ҳафта жамоа билан машғулотларга қайтиши керак.

Алексис Салемакерс эса, аксинча, тикланиб бўлди”. Матбуот анжуманидан сўнг Пулишич тахминан 2 ҳафта майдонга туша олмаслиги маълум бўлди.

Унинг жамоаси ҳозирда 25 очко билан иккинчи ўринда бормоқда. “Лацио” эса 18 очко билан саккизинчи ўринда жойлашган.