Монако ва ПСЖ: Ғолиб ким бўлади?
Франция чемпионатининг 14-тур марказий учрашувида "Монако" ўз майдонида "ПСЖ"ни қабул қилади. Иккала жамоанинг эҳтимолий асосий таркиблари ҳақида таҳлил олиб борилди.
"Монако": Градетский (дарвозабон), Уаттара, Керер, Салису, Тезе, Диатта, Кулибали, Камара, Фати, Иленикена, Аклиуш. "ПСЖ": Шевалье (дарвозабон), Нуну Мендеш, Бералдо, Забрний, Заир-Эмери, Жоау Невеш, Витинья, Майулу, Мбайе, Рамуш, Кан-Ин.
"Монако" таркибида Кристиан Мависса ва Эрик Дайер жароҳатланган, Денис Макария эса дисквалификация қилинган. "ПСЖ" таркибида Ашраф Ҳакими, Дезире Дуэ ва Усмон Дембеле жароҳатлар туфайли майдонга туша олмайди.
Турнир жадвалида монаколиклар парижликлардан 10 очкого орқада қолмоқда. Олдинги турда "Монако" "Ренн"га 1:4 ҳисобида ютқазган бўлса, "ПСЖ" "Ҳавр"ни 3:0 ҳисобида мағлуб этди.
Чемпионлар лигасида эса "Монако" Кипрнинг "Пафос" жамоаси билан 2:2 ҳисобида дуранг ўйнади, "ПСЖ" эса "Тоттенхэм"ни 5:3 ҳисобида мағлуб этди. Александр Головин олдинги Лига 1 учрашувида майдонга тушмаган бўлса-да, Чемпионлар лигасида асосий таркибда ўйнаб, кейинчалик захирага олинди.
Тахминларга кўра, мураббий ротацияси сабаб, у яна захирада қолиши мумкин. Учрашув бугун, 29-ноябрь куни соат 19:00 да Монакодаги "Луи II" стадионида бошланади.
"Монако" – "ПСЖ" учрашувининг матнли онлайн-трансляциясини ўтказиб юборманг.