Барселона Клуйверт билан шартномани узайтиради
Испаниянинг "Барселона" клуби вингер Шейн Клуйверт билан янги шартнома бўйича музокараларни бошлади. Бу ҳақда машҳур журналист Фабрицио Романо ўзининг ижтимоий тармоқларида хабар берди.
Манбалларга кўра, 18 ёшли истеъдод эгаси, ҳозирда "Барселона Б" таркибида тўп сураётган Клуйверт ҳали якуний қарорини қабул қилмаган. Унинг амалдаги шартномаси келаси йил ёзда ўз ниҳоясига етади.
Футболчи "Барселона" академиясига 2017 йил июль ойида "ПСЖ"нинг ёшлар жамоасидан эркин агент сифатида қўшилган эди. Жорий мавсумда Шейн Сегундада 4 та ўйинда ва УЕФА Ёшлар лигасида 5 та ўйинда майдонга тушиб, "ПСЖ" дарвозасига 1 та гол уришга муваффақ бўлган.
Унинг отаси, Патрик Клуйверт, 1998 йилдан 2004 йилгача "Барселона" таркибида ўйнаган ва Голландия терма жамоасининг асосий футболчиларидан бири бўлган.