Боруссия Мёнхенгладбах ва Лейпциг дуранг ўйнади
Танаффусгача дарвоза томон бирорта ҳам аниқ зарба амалга оширилмади. Иккинчи бўлим бошида "Боруссия" ҳужумчиси Франк Оноранинг голи ВАР тизими томонидан офсайд сабаб бекор қилинди.
Шунингдек, видеоассистент мезбонлар дарвозасига белгиланган пенальтини ҳам бекор қилди. Иккинчи бўлимда "РБ Лейпциг" футболчилари устунликка эришиб, ҳужумларни кучайтирди, бироқ гол уришга муваффақ бўлишолмади.
Ўйин охиригача ҳисоб 0:0 бўлиб қолди. Ушбу натижа билан "РБ Лейпциг" иккинчи ўринни сақлаб қолди ва "Бавария"дан беш очко ортда қоляпти.
"Бавария" шанба куни очколар фарқини ошириш имкониятига эга бўлади. "Боруссия" эса кетма-кет учта ғалабадан кейин очко йўқотди ва ҳозирда 11-ўринда жойлашган.