Бонек: Италия жаҳон чемпионатида иштирок этиши керак

Польшалик собиқ футболчи Збигнев Бонек футболчилик фаолиятининг биринчи қисмини она юртида, иккинчи қисмини эса Италияда ўтказган. У Италияни ўзининг иккинчи ватани деб ҳисоблайди ва мамлакатдаги футбол воқеаларини диққат билан кузатиб боради.

Бонек "Ювентус"нинг чемпионлик учун имкониятларига шубҳа билан қарайди ва Италия терма жамоасининг жаҳон чемпионатига йўлланма олишини чин дилдан истайди. "Италия терма жамоасига жаҳон чемпионатига чиқишини чин юракдан тилайман.

Ҳозирги болалар авлоди ўз терма жамоасини жаҳон чемпионатида кўрмай ўсмоқда. Бу масалани ҳал қилиш керак", - деди Бонек "pianetamilan.it" нашрига берган интервьюсида.

Италия терма жамоаси охирги марта жаҳон чемпионати финал босқичида 2014 йилда иштирок этган эди.