Умматалиев ва Муйдинхўжаев профессионал боксда ёрқин дебют қилди
2025-йил 29-ноябрь куни Челябинск шаҳрида ўтган профессионал бокс оқшомида Ўзбекистонлик чемпионлар Жавоҳир Умматалиев ва Асадхўжа Муйдинхўжаев ўзларининг илк жангларини муваффақиятли ўтказишди. Ҳар икки боксчи юқори даражадаги маҳоратини намойиш этиб, профессионал фаолиятини Британнинг Quensberry компанияси билан шартнома имзолаш билан бошлашди.
Бокс оқшомида Жаҳон чемпиони Жавоҳир Умматалиев ўзининг профессионал рингдаги дебют жангини ўтказди. Унинг рақиби озарбайжонлик Раҳим Алиев бўлди.
Жанг барча олти раунд давом этди. Умматалиев ҳисобли ҳаракат қилиб, рақибига тезликни белгилашга имконият қолдирмади.
У тез-тез джоб зарбалари билан Алиевни иккинчи рақамда ишлашга мажбур қилди. Ҳакамлар бир овоздан ғалабани Умматалиевга беришди.
Унинг профессионал фаолиятдаги бошланиши ишончли ва хотиржам бўлди. Кейинги жангда рингга Асадхўжа Муйдинхўжаев чиқди.
Олимпиада чемпиони бўлган боксчи Қозоғистонлик Айдос Тастаевга қарши жанг қилди. Жанг биринчи раунддаёқ Муйдинхўжаевнинг кучли зарбалари остида қаттиқ босимга айланди.
Иккинчи раундда эса вазият янада кескинлашди. Муйдинхўжаев зарбалар кучини ошириб, аниқ зарбалар билан жангни давом эттирди.
Натижада, ҳакам жангни тўхтатди ва Муйдинхўжаев техник нокаут билан ғалаба қозонди. Бу ёрқин ғалаба унинг профессионал фаолиятидаги муваффақиятли бошланиш бўлди.