Ренуарнинг аввал номаълум бўлган сурати кимошди савдосида 1,8 млн еврога сотилди
Пер Огюст Ренуарнинг рассомнинг ўғли Жан ва унинг энагаси тасвирланган илгари номаълум бўлган картинаси Париждаги Drouot аукционида 1,8 млн еврога сотилди. Бу ҳақда The Guardian хабар бермоқда.
Мойбўёқда ишланган "Бола ва унинг ўйинчоқлари - Габриэл ва рассомнинг ўғли Жан" полотноси илгари ҳеч қачон кўргазмага қўйилмаган ва сотилмаган. Расм Жаннинг чўқинтирган онаси Жанна Бодога тегишли бўлиб, у ҳам Ренуарнинг дўсти ва шогирди эди.
Санъатшунос Паскал Перреннинг таъкидлашича, Ренуарнинг полотноси реставрация қилинмаган ва "фавқулодда ҳолатда."
1894 йилда туғилган Жан Ренуар режиссёр бўлди ва 1975 йилда "Алоҳида ютуқлар" учун "Оскар" мукофотига сазовор бўлди. Унинг асарлари орасида Биринчи жаҳон уруши пайтида немис асирлигидан қочишга уринган икки француз ҳарбий асири тарихига бағишланган "Буюк иллюзия" картинаси бор.