Афғонистондан ҳужум 3 нафар Хитойликнинг умрига зомин бўлди!
Тожикистон-Афғонистон давлат чегарасида уюштирилган қуролли ҳужум натижасида уч нафар Хитой фуқароси қурбон бўлди, деб Хитойнинг Тожикистондаги элчихонасига таяниб Reuters хабар берди. Бу фожиа 26 ноябр куни Афғонистоннинг жануби-ғарбий Хатлон вилояти яқинида содир бўлди. Элчихона маълумотига кўра, яна бир нафар Хитой фуқароси жабрланган.
Дронлар билан уюштирилган ҳужум тафсилотлари
Тожикистон Ташқи ишлар вазирлигининг баёнотига кўра, вафот этганларнинг барчаси чегара зонасида фаолият юритувчи «Шахин СМ» МЧЖ компаниясининг ходимлари бўлган. Ҳужумнинг ўзига хослиги шундаки, у Афғонистон ҳудудидан гранатали дронлар воситасида амалга оширилган.
Айбдор томон аниқланмаган, бироқ Хитой Душанбени тезкор тафтиш ўтказишга чақирди ва ўз фуқароларини чегара ҳудудини зудлик билан тарк этишга ундади.
Афғонистоннинг реакцияси
Афғонистон (Кобул маъмурияти) Ташқи ишлар вазирлиги баёнотида: ушбу ҳодиса минтақада беқарорлик ва ишончсизликни юзага келтиришга уринаётган номаълум гуруҳнинг иши экани айтилди. Кобул маъмурияти дастлабки баҳолашни ўтказгани ва Тожикистон билан тўлиқ ҳамкорлик қилишга тайёрлигини билдирди.
Бу ҳужум Тожикистон-Афғонистон чегарасидаги хавфсизлик даражаси янада пасайганини ва бу минтақавий тартибсизликдан халқаро қурбонлар бўлаётганини кўрсатади.