Бразилияда Анчелотти бўйича қарор қабул қилинди
Бразилия футбол конфедерацияси президенти Самир Хауд миллий терма жамоа бош мураббийи Карло Анчелотти билан янги меҳнат шартномаси имзоланиши эҳтимоли ҳақида фикр билдирди. "Анчелотти ҳаммаси икки томоннинг келишувига боғлиқлигини айтди.
Мен узоқ муддатли ҳамкорликни йўлга қўйишимизга ишонаман. Бунинг учун барча шароитлар яратилган", деди Хауд журналистлар билан суҳбат давомида.
Анчелотти ва Бразилия терма жамоаси ўртасидаги амалдаги шартнома 2026-йилги Жаҳон чемпионати якунида тугайди. Томонлар ҳамкорликни 2030-йилгача давом эттириш имконига эга.
Италиялик мутахассис жорий йилнинг май ойида "Селесао" бош мураббийи лавозимини эгаллаган эди. Анчелотти бошчилигида Бразилия терма жамоаси 2026-йилги Жаҳон чемпионатига йўлланма олди.