Реал Конате трансферидан воз кечди
Мадриднинг "Реал" клуби "Ливерпул" ҳимоячиси Ибраима Конатени ўз сафида кўришни режалаштирмаётганини маълум қилди. Бу ҳақда The Athletic нашри хабар бермоқда.
Манбага кўра, "қироллик клуби" ҳозирда француз футболчисини сотиб олишдан манфаатдор эмаслигини билдирган. 26 ёшли марказий ҳимоячи жорий Англия Премьер-лигаси мавсумида 12 та учрашувда майдонга тушиб, иккита сариқ карточка олган.
Конате 2021-йил ёзидан бери "Ливерпул" шарафини ҳимоя қилиб келмоқда. Унинг клуб билан амалдаги шартномаси 2026-йил июнига қадар мўлжалланган.
Футболчининг трансфер қиймати 55 миллион еврога баҳоланмоқда.