Ўзбекистонда очиқ банк тизими ва токенлар

Ўзбекистонда очиқ банк тизими жорий этилади. Бу ҳақда президент Шавкат Мирзиёевнинг мамлакатда финтех соҳасини ривожлантиришга оид қарорида қайд этилган.

Янги тизим келаси йилнинг сентябр ойидан ишга тушади. Мазкур тизим банклар, тўлов ташкилотлари ва финтех бозоридаги иштирокчилар ўртасида маълумотларнинг хавфсиз алмашинувини таъминлайди.

Шунингдек, келаси йилдан токенлардан тўлов воситаси сифатида фойдаланиш учун махсус тартиб жорий этилади. Бунга қўшимча равишда, тақсимланган реестр асосидаги тўлов тизимини яратиш бўйича пилот лойиҳалар амалга оширилади.

Ушбу технология маълумотларни кўп сонли компьютерлар ўртасида нусхалаш ва синхронлаштириш имконини беради. Бундан ташқари, келаси йилдан бошлаб ўзбекистонликларга токенлаштирилган акциялар ва облигациялар чиқаришга рухсат берилади.

Ушбу қимматли қоғозлар учун махсус савдо майдончаси яратилади. Шунингдек, "регулятор қумлоқ ҳудуди"ни жорий этиш режалаштирилган бўлиб, унинг муддатларини Ўзбекистон Республикаси Ахборот технологиялари ва коммуникацияларини ривожлантириш вазирлиги ҳамда Марказий банк белгилайди.