Бурунди элчиси Ўзбекистонда иш бошлади
Бурундининг Ўзбекистондаги элчиси Жозеф Нкурунзиза Ўзбекистон ташқи ишлар вазири Бахтиёр Саидовга ишонч ёрлиқларини топширди. "Бизнинг музокараларимиз самарали ва келажакка қаратилган бўлиб, мамлакатларимиз ўртасидаги ҳамкорлик имкониятларини кенгайтиришга қаратилган", — деди учрашувдан сўнг вазир Саидов.
Ўзбекистон ва Бурунди ўртасида дипломатик алоқалар ўтган йилнинг сентябрь ойида ўрнатилган. Ушбу келишув ҳақида коммюнике ҳам ўша даврда имзоланган эди.
Бурунди Шарқий Африкада жойлашган давлат бўлиб, ўз мустақиллигини 1962-йилнинг июль ойида Бельгия мустамлакасидан чиқиб қўлга киритган. 2024 йил учун дастлабки прогнозларга кўра, мамлакат аҳолиси сони 14,1 миллион кишидан ошган.
Жорий йилга кўра, Бурундининг ялпи ички маҳсулоти 14 миллиард долларни ташкил қилган бўлиб, жон бошига тўғри келадиган ЯИМ 489 доллар деб баҳоланган.