Неэструп: 82 дақиқа давомида зўр ўйнадик

Копенгаген бош мураббийи Якоб Неэструп «Қайрат»га қарши ўйиндан сўнг ўз фикрларини билдирди. Чемпионлар Лигаси умумий босқичининг бешинчи турида Дания клуби Қозоғистон жамоасини 3:2 ҳисобида мағлуб этди.

"Менимча, биз ўйинда тўлиқ устунлик қилдик ва жуда яхши ўйнадик. Рақиб эса, кучли квалификация босқичини ўтаган ва яқинда Миланда "Интер"га муаммо туғдирган жамоа эди.

Биз 82 дақиқа давомида зўр ўйнадик, бироқ биринчи гол ўтказилганидан кейин ўйин динамикаси ўзгарди", — деди Неэструп Tipsbladet нашрига берган интервьюсида. Ушбу ғалаба туфайли "Копенгаген" илк 24 талик учун курашга қўшилди.

"Бу жуда қийин бўлади, лекин ўйиндан ўйинга ҳаракат қилишимиз керак. "Вильярреал"га қарши учрашувда имкониятдан фойдаланиб, ўша ерда нимадир қўлга киритишимиз шарт", — дея қўшимча қилди мураббий.

Ўйиндан сўнг асосий мавзу эса 17 ёшли Виктур Дадасон бўлди. Исландиялик футболчи ўз ҳисобига битта гол ёзиб, Ламин Ямалдан рекордни тортиб олди.

У Чемпионлар Лигасининг турли ўйинларида гол урган энг ёш футболчига айланди. "Дадасоннинг ўйини ўз-ўзидан гапиради — у мукаммал ўйнади.

Ҳаммаси жуда аниқ. У бирорта хатолик қилмади.

Балки унга аввалроқ имконият бериш керак эди, лекин агар натижа муваффақиятсиз бўлса, ёш футболчи ишончни йўқотиши мумкин эди. Уч йил олдин Орри Оскарссон шу ерда бир неча ўйинда қатнашиб, бир неча имкониятни бой берган, тўпни йўқотган ва мухлислар томонидан ҳуштакбозликка учраган эди", — деди Неэструп.

"Копенгаген" 4 очко билан 29-ўринда бормоқда. "Қайрат" эса 1 очко билан мусобақа жадвалининг 35-поғонасида жойлашган.