Эртага мамлакат бўйлаб қайси ҳудудларда совуқ сезилади?
Ўзгидромет 27 октябрь куни кузатилиши кутилган об-ҳаво бўйича янгиланган маълумотларни эълон қилди. Унга кўра, мамлакатнинг катта қисмларида ҳаво ўзгарувчан, лекин ёғингарчиликсиз бўлади.
Тошкент шаҳрида ҳаво сокин: шамол шарқдан 3–8 м/с тезликда, ҳарорат кечаси 3–5 даража илиқ, кундузи 15–17 даража бўлади.
Қорақалпоғистон ва Хоразмда шамол кучлироқ — 7–12 м/с. Ҳарорат кечаси −3…+2 даража, кундузи 10–15 даража атрофида.
Бухоро ва Навоийда ҳам ёғингарчилик кутилмайди. Ҳарорат кечаси 0–5 даража илиқ, айрим жойларда 3 даражагача совуқ. Кундузи 13–18 даража.
Тошкент вилояти, Самарқанд, Сирдарё, Жиззахда ҳарорат кечаси 0–5 даража (баъзи ҳудудларда −2 даражагача), кундузи 13–18 даража.
Қашқадарё ва Сурхондарё вилоятларида кечаси 0–5 даража, кундузи 14–19 даража илиқ бўлади.
Фарғона водийси — Андижон, Наманган, Фарғонада ҳаво ўзгарувчан, туман тушиши мумкин. Ҳарорат кечаси 0–5 даража, кундузи 11–16 даража.
Тоғли ҳудудларда ёғингарчилик кутилмайди. Ҳарорат кечаси 2–7 даража, кундузи 12–17 даражагача илиқ бўлади.