Асила Мирзаёрова қизига гўзал ва маъноли исм танлади
Паралимпия чемпиони Асила Мирзаёрова қизининг исмини ижтимоий тармоқларда эълон қилди. 22-ноябрь куни спортчи оналик бахтини илк бор ҳис қилган эди, аммо чақалоқнинг исмини дарҳол ошкор қилмаган.
Орадан бир неча кун ўтиб, Асила қизига “Риҳана” деб исм қўйганини маълум қилди. У бу хушхабарни шахсий саҳифаси орқали мухлислари билан бўлишди.
Асилани туғруқхонадан кутиб олиш учун таниқли санъаткорлар Ойбек ва Нигора ташриф буюришди. Улар спортчини илиқ сўзлар, самимий табриклар ва эзгу тилаклар билан кутиб олишди.