Ханде Эрчел Москвага келди (видео)
Туркиялик машҳур актриса Ханде Эрчел «Постучись в мою дверь» сериали орқали Россияда катта шуҳрат қозонган. У Москвага етиб келди ва Внуково аэропортида журналистлар ҳамда мухлислар томонидан кутиб олинди.
Актриса кепка ва кўзойнакда тушди. У мухлисларга миннатдорчилик билдирди, гулларни қабул қилди, автографлар қўйиш ва суратга тушиш учун бир неча дақиқа вақт ажратди ва кейин аэропортдан жўнаб кетди.
Унинг ташрифи иш сафаридир — бугун кечқурун у янги фильми «Два мира, одно желание» намойишида иштирок этади. Фильмда Бильге ва Жаннинг 1998 йил Янги йил кечасида бошланган ва орадан 20 йил ўтгач давом этган қисмати ҳақида сўз боради: Бильге адвокат, Жан эса археолог бўлиб етишган.
Мелодрама режиссёри — Кетче. Лойиҳада Хусейн Авни Данял, Идиль Фират ҳам иштирок этган. Россияда фильм премьераси 27 ноябр куни бўлади. Бу сафар Ханде сценарий ёзишда ҳам қатнашган.
Қолаверса, бу Ханде Эрчелнинг Москвага илк сафари эмас. Январь ойида у «Оставь это ветру» фильми премьераси учун ҳам Россияга келган эди.