“Сўйла, Қора денгиз” сериали юлдузи Ирем Хелважиўғлу ажрашаётгани ростми?
Туркия шоу-бизнесида яна кутилмаган ҳолат. “Сўйла, Қора денгиз” сериали орқали оммалашган актриса Ирем Хелважиоғлу фарзанди дунёга келганидан бир ой ҳам ўтмай турмуш ўртоғи, тадбиркор Урал Каспар билан ажрашишга қарор қилгани ҳақида турк ОАВи ёзмоқда.
Ирем ва Урал муносабатлари узоқ йиллар давомида бир неча бор узилиб, қайта тиклангани, ҳатто тўйдан бир неча ой аввал улар ажрашгани ҳақида хабарлар тарқалгани туфайли, 2024 йил октябрдаги никоҳ кўпчилик учун кутилмаган воқеа бўлганди. Яқинда Ирем Сора исмли қизалоқни туғди, Урал эса ижтимоий тармоқларда катта хурсандчилик билдирган эди.
Бироқ Aksam нашри маълумотига кўра, жуфтлик ўзаро келишув асосида ажрашишни танлаган. Сабаблар очиқланмаган, Иремнинг агенти ҳам, Уралнинг ўзи ҳам матбуотга изоҳ бермаган.
Бир неча кун аввал эса оила иштирок этган автоҳалокат ҳақида ҳам хабар берилган: мототcикл уларнинг машинасига бориб урилган ва Иремга бир неча чок қўйилган. Яхшики, жароҳатлар оғир бўлмаган ва оила шифохонадан тезда чиқарилган.
Ҳозирча ажрашиш жараёни қачон бошланиши ва жуфтликнинг келгуси режалари қандай бўлиши ноаниқ бўлиб турибди.