Игорь Сергеев "Крылья Советов" клубига ўтиши мумкин
"Пахтакор" ва Ўзбекистон миллий терма жамоаси ҳужумчиси Игорь Сергеев ушбу қишда эркин агент сифатида Россиянинг "Крылья Советов" клубига ўтиши мумкин. Бу ҳақда Sport24 нашри хабар бермоқда.
Нашрнинг маълумотига кўра, томонлар шахсий келишув тафсилотларини муҳокама қилишмоқда ва якуний қарорга яқинлашган. Жорий мавсумда Сергеев Ўзбекистон чемпионатида 28 ўйинда 19 та гол уриб, сўнгги тур олдидан тўпурарлар рўйхатида етакчилик қилмоқда.
Миллий терма жамоа сафида эса 32 ёшли ҳужумчи 81 ўйинда майдонга тушиб, 24 та гол киритган. "Крылья Советов" — Россия Премьер-лигасида иштирок этувчи Самарадан чиққан футбол клуби.
Айни пайтда жамоа турнир жадвалининг ўртасида жойлашган. Охирги ўйинда "Крылья Советов" "Ростов"ни 2:0 ҳисобида мағлуб этди.