Италия учинчи марта Девис Кубогини олди
Италия терма жамоаси Болоньяда ўтган финалда Испанияни мағлуб этиб, кетма-кет учинчи бор Девис Кубоги чемпиони бўлди. Бу натижа мамлакат теннис тарихида беқиёс ютуқ сифатида қайд этилди.
Беллашувни Маттео Берреттинининг ишончли ғалабаси бошлаб берди — у Пабло Карреньо Бустани 6:3, 6:4 ҳисобида енгди. 29 ёшли теннисчи 13 та эйс билан ўз устунлигини намойиш этди.
Иккинчи ўйинда эса Флавио Коболли ҳақиқий ирода кўрсатди. Илк сетни 1:6 ҳисобига бой берганига қарамай, у 7:6(5), 7:5 натижаси билан уч сетлик ғалабани қўлга киритди ва финални Италия фойдасига ҳал қилди.
Бу билан Италия Европа қитъасида уч марта қатор чемпионликка эришган биринчи давлатга айланди. Бунга қадар бундай натижа фақат АҚШга насиб этган.
Испания жамоаси эса 2019 йилдан буён илк финалигача етиб келди, аммо ҳал қилувчи босқичда Италиянинг кучли ўйинига қарши тура олмади.