Ўзбекистон дипломларини тан олиш осонлашмоқда
Ўзбекистон ЮНЕСКОнинг олий таълим бўйича малакаларни тан олишга оид Глобал конвенциясини ратификация қилди. Бу ҳужжатга аъзо мамлакатларда ўзбек дипломларини легаллаштиришни енгиллаштиради.
Ратификация акти ЮНЕСКОга топширилганидан уч ой ўтгач, Ўзбекистон ушбу Конвенция тўлиқ иштирокчисига айланади. Энди ўзбекистонликлар Жанубий Корея, Япония, Австралия ва Янги Зеландия каби давлатларда ўз дипломларини тасдиқлашни осонлаштириши мумкин.
Ушбу мамлакатлар малакали мутахассисларга эҳтиёж юқори ва дипломларни тан олиш жараёни шаффофлиги билан ажралиб туради. Шуни таъкидлаш жоизки, Ўзбекистон Марказий Осиёда ушбу Конвенцияга қўшилган биринчи давлат ва дунё бўйича 39-давлат бўлади.