Эзе: Мен хет-трик сўраб ибодат қилгандим
Лондоннинг "Арсенал" клуби ярим ҳимоячиси Эберичи Эзе "Тоттенҳем"га қарши дербида амалга оширган ҳет-трик ҳақида фикр билдирди. Англия чемпионатининг 12-тур учрашуви 23-ноябр куни бўлиб ўтди ва "канонирлар"нинг 4:1 ҳисобидаги ғалабаси билан якунланди.
Футболчининг сўзларига кўра, у бундай ўйин учун аввалдан ибодат қилган. "Бу ўта махсус лаҳза.
Мен жуда миннатдорман. Мен бу ҳақида ибодат қилдим.
Ҳет-трик сўрадим ва Худога шукур қиламанки, у менга бу имкониятни берди", — дейди футболчи ўйиндан сўнг. "Арсенал" жамоаси 12 ўйиндан сўнг 29 очко жамғариб, Англия чемпионати турнир жадвалида пешқадамлик қилмоқда.