Челси АПЛда ноёб рекордни такрорлади
Англия премьер-лигасининг 12-турида Лондоннинг "Челси" клуби сафарда "Бёрнли"ни 2:0 ҳисобида мағлуб этди. OptaJoe маълумотларига кўра, "Челси" АПЛ тарихида бошланғич таркибида 30 ёшдан ошган футболчиларсиз 50 ўйинни кетма-кет ўтказган иккинчи жамоа бўлди.
Бунгача бундай натижага фақатгина "Астон Вилла" эришган эди. Улар 2012-йил сентябридан 2014-йил январигача жами 59 ўйин давомида бу рекордни қўлга киритган.
12 турдан сўнг "Челси" 23 очко билан АПЛ турнир жадвалида иккинчи ўринда бормоқда ва биринчи ўриндаги жамоадан уч очко орқада. Кейинги турда Энсо Мареска шогирдлари "Арсенал"ни ўз майдонида қабул қилади.