Арне Слот Моуринью натижасини такрорлади
The Touchline нашрининг ёзишича, Арне Слот 2015 йилдан буён амалдаги чемпион жамоани бошқариб, 12 ўйиндан 6 тасида мағлуб бўлган илк мураббий бўлди. Ўша йили Жозе Моуринью ҳам худди шундай натижа қайд этиб, “Челси” бош мураббийлиги лавозимидан декабрь ойи ўрталарида озод қилинган эди.
Ливерпул раҳбарияти ҳозирча Слотни истеъфога чиқаришни режалаштираётгани йўқ, бироқ нидерландиялик мутахассис билан айрилиқ масаласи тобора кўпроқ муҳокама қилинмоқда. 12 турдан сўнг мерсисайдликлар ҳисобида атиги 18 очко бор.