Ўзбекистонлик теннисчи Мария Тимофеева Люксембургда ярим финалга чиқди
Люксембургда ўтказилаётган W75 теннис турнирида Ўзбекистоннинг биринчи ракеткаси Мария Тимофеева ярим финалга чиқди. Чорак финал учрашувида у Германия вакили Мона Бартелга қарши майдонга тушди.
Ўйинни муваффақиятсиз сет билан бошлаганига қарамай, Тимофеева учрашувни ўз фойдасига ҳал қилишга муваффақ бўлди ва ярим финал йўлланмасини қўлга киритди. Кейинги босқичда ўзбекистонлик теннисчи Бельгия вакили Э.Вандроммега қарши куч синашади.
Ғолиб бўлса, Тимофеева чехиялик Паликова ёки Германиялик Беннеманн ўртасидаги жуфтлик ғолиби билан финалда тўқнашади.
Эслатиб ўтамиз, жорий йилнинг октябрь ойида Тимофеева Россия номидан чиқиш қилишни тўхтатиб, Ўзбекистон фуқаролигини қабул қилган эди.