Буффон: Меҳнат қилсангиз, натижалар келади

Италия терма жамоасининг собиқ дарвозабони Жанлуижи Буффон маҳаллий футбол федерациясидаги ҳозирги фаолияти ҳақида гапирди. У Италиянинг дунёнинг энг кучли жамоалари қаторига қайтиши учун ишламоқда.

Маълумки, "Скуадра Адзурра" кетма-кет иккита Жаҳон чемпионатига чиқа олмаган. "Ҳозир биз ўтиш давридамиз ва қайси йўналишда ҳаракатланаётганимизни тушунмаяпмиз.

Ўтмишдаги хатоларимизнинг оқибатларини тортаяпмиз. Бугунги натижалар охирги йигирма йилликнинг меваси.

Ўша даврда биз Буффон, Каннаваро, Тотти каби футболчиларнинг кучига таяниб келардик ва бу абадий давом этади деб ўйлагандик. Аммо ўшанда техник-ҳимоявий усулларимизни қайта кўриб чиқишимиз керак эди.

Афсуски, биз худди масалдағы чигиртка каби хатти-ҳаракат қилдик," — дейди Буффон La Gazzetta dello Sport нашрига берган интервьюсида. "Федерацияда икки йилдан буён ишламоқдаман ва вазият ўзгараётганини инкор этиб бўлмайди.

Ёшлар жамоалари билан чуқур ишлаш олиб борилмоқда, янги лойиҳалар пайдо бўлмоқда. Аммо биз йўналишни ўзгартирган тақдирда ҳам, бу меваларни биз йиғмаймиз.

Бу сиёсатчилар одатда ўйлаб топган тезкор ғалабалар ва овоз йиғишдан қочадиган жасоратли танлов. Энг муҳими — сабр.

Агар яхши ишласангиз, натижалар кутиб турмайди." "Ишни энг пастдан бошлашимиз керак: 7 ёшдан 13 ёшгача бўлган тоифадаги болалар билан ишлаш лозим. Биз Пранделли билан қандай ташкил этиш ҳақида муҳокама қилмоқдамиз.

Бундай лойиҳалар бошланганда барқарорлик жуда муҳим," — дея қўшимча қилди Буффон. Ҳозирги Жаҳон чемпионати саралаш босқичида Италия ўз гуруҳида иккинчи ўринни эгаллади ва плей-офф ўйинларига йўл олди.