Болонья Удинезени йирик ҳисобда мағлуб этди
Биринчи бўлим охирида "Удинезе" ҳимоячиси Кингсли Эхизибуэ ўз жарима майдонида қўли билан ўйнаб қўйди ва ҳакам пенальти тайинлади. "Болонья" футболчиси Рикардо Орсолини зарбани амалга оширди, бироқ дарвозабон унинг тўпини қайтаришга муваффақ бўлди, ҳатто қайтган тўпга зарба беришга ҳам имкони бўлмади.
Иккинчи бўлимнинг 54-дақиқасида Орсолини ўз хатосини тузатиб, голли пас узатди, натижада Томмазо Побега ҳисобни очди. Бир неча дақиқа ўтиб эса мезбонлар дарвозабони хатога йўл қўйиб, тўпни Побегага совға қилди ва у ҳисобни 2:0 кўринишига олиб чиқди.
Яна бир имкониятни "Болонья" футболчиси Жованни Фаббиан бой берди, у қулай вазиятдан гол ура олмади. Якуний дақиқаларда эса Тейс Даллинга тўпни олиб қўйди ва Федрико Бернардески ўз голи билан ўйинга нуқта қўйди.
Натижа: 0:3. "Болонья" энди "Интер" ва "Рома" билан биргаликда турнир жадвалида етакчилик қилмоқда, "Удинезе" эса 9-ўрнини бўлишмоқда.