Ливерпуль Рафинья учун 100 млн евро таклиф қилмоқчи
Манбага кўра, Англия чемпиони келаси ёзда 28 ёшли бразилиялик футболчи учун 100 миллион евро таклиф қилишни режалаштирмоқда. Рафинья Ливерпулда Муҳаммад Салоҳнинг ўрнини босувчи ажойиб вариант сифатида кўрилмоқда.
Жорий мавсумда Рафинья барча мусобақаларда 7 ўйинда майдонга тушиб, учта гол урди ва икки марта голли узатма берди. Рафиньянинг Барселона билан амалдаги шартномаси 2028 йил ёзигача тузилган.
Transfermarkt маълумотларига кўра, футболчининг нархи 90 миллион еврога тенг.