Мареска Палмернинг жароҳати ҳақида гапирди

“Челси” бош мураббийи Энсо Мареска жамоа етакчиси Коул Палмернинг янги жароҳати ҳақидаги хабарни қандай қабул қилгани ҳақида сўзлаб берди. Ҳужумкор ярим ҳимоячи аввалги жароҳатидан деярли фориғ бўлиб, икки ойдан сўнг майдонга қайтишга тайёр эди.

Аммо кутилмаган ҳолат юз берди – футболчи уйида бахтсиз ҳодиса туфайли оёқ бармоғини синдириб олди. Мареска бу воқеани қуйидагича изоҳлади: "Тунда, соат 23:00 да шифокордан хабар келса, дарҳол нимадир ёмонликни ҳис қиласан.

Телефонга қарасам, ‘Коул уйда бахтсиз ҳодисага учради’, деб ёзилган экан. Ўша пайтда хотиним билан ёнма-ён эдим ва дарҳол ҳайқирдим: ‘Худойим, нималар бўляпти?!’ Хотиним эса ҳайрон бўлиб сўради: ‘Нима бўлди?

Нима бўлди?’” Бугун Москва вақти билан соат 15:30 да “Челси” ва “Бёрнли” жамоалари ўртасида баҳс бўлиб ўтади.