Apple ва Косински янги Формула-1 фильми устида музокара қилмоқда
Машҳур Формула-1 пойгалар серияси ҳақида фильм суратга олган режиссёр Жозеф Косински Apple компанияси билан навбатдаги фильм устида музокаралар олиб бораётганини Variety нашрига берган интервьюсида маълум қилди. Аввалги фильм бюджети 200-300 миллион доллар бўлганига қарамай, кинотеатрларда 631 миллион доллардан кўпроқ даромад келтирган эди.
Фильм сюжети пойгачи Санни Хейс (Бред Питт) ҳақида бўлиб, у авария туфайли карьерасини йўқотади ва 20 йил ўтиб, АҚШ штатларида ҳаваскор пойгаларда иштирок эта бошлайди. Уни эски дўсти (Хавьер Бардем) топиб, APX GP жамоасини қутқариш учун жамоага қайтишга ва ёш пойгачи Джошуа Пирсга ёрдам беришга кўндиради.